మన తెలుగు మన వెలుగు

మన తెలుగు మనకు వెలుగు
మనకు తెలుగువారు, ఆంధ్రులు అని పేర్లు వున్నాయి. కాని, భాష విషయానికి వస్తే, 'తెలుగు' పదమే తిరుగులేనిది. అందుకని, తెలుగు మన తెలుగువాళ్ళ జీవితాల్లో, వెలుగులు, దివ్వెలు. ఏ జాతి సమస్త వ్యవహారాలు ఆ జాతి మాతృభాషలోనే జరుగుతాయో, ఆ జాతి సుఖపడుతుంది. అది ఎప్పటికీ విజేతగానే ఉంటుంది. అయితే మనం ఈ దిశలో, దశలో, ఎంత ప్రగతి సాధిస్తూ, ముందుకు పోతున్నామన్నది ఎవరి ఆత్మలను పరిశీలనం వారే చేసుకోవడం తప్ప అన్యదా గత్యంతరం లేదు అనే చెప్పాలి.
తెలుగు ఘనతపై పలువురి అనుభూతులు
'ఆమ్ధ్రత్వమాంద్ర భాషా చ నాల్పస్చ తపస: ఫలం - తెలుగు వాడిగా పుట్టడం, తెలుగు భాష మాట్లాడే అదృష్టం కలగడం ఒక వరం. అది చిన్నతనం కాదు. అ వరం చిన్నది కాదు. ఎంతో తపస్సు చేస్తే గాని లభించని ఫలం' అన్నారు, అప్పయ్య దీక్షితుల వారి మాటలు అక్షర సత్యాలు.