ప్రముఖ 'వీణా చిట్టిబాబు
సంగీత కళాజగతి లో దక్షిణ భారత సంప్రదాయ శైలి లో కర్ణాటక సంగీతం, అందులో వాద్య సంగీత విభాగంలో అజరామరమైన వాద్య పరికరం ను ప్రస్తావించాలంటే, వీణ గురించే ముందు చెప్పాలి. వీణ కళాకారుల్లో, మన తెలుగు తేజాల్లో, ముఖ్యంగా 'చిట్టిబాబూ ఒక ప్రత్యేక అధ్యాయం. తూర్పుగోదావరి జిల్లా, కాకినాడ లో చల్లపల్లి రంగారావు, సుందరమ్మ దంపతులకు ఏకైక సంతానం అయిన ఈ కళాకారుడు, 'వీణ చిట్టిబాబూగా అమోఘమైన పేరుప్రఖ్యాతులను గడించాడు. అచట పుట్టిన చిగురు కొమ్మైన చేవ, అన్నట్లు చిట్టిబాబు చిన్నారి వయసులోనే కళాకారుడి లక్షణాలు పుణికి పుచ్చుకున్నాడు. పుష్కరప్రాయంలోనే విద్యలో రాణించి, వైణిక విన్యాసంలో పేరు తెచ్చుకోవడమే కాక, పూర్తిస్థాయి వీణ సంగీత కచేరీ చేసి సంగీత రసికులను తన్మయపరచాడు. తొలిపాఠాలను అప్పలాచార్య వద్ద ఆకళింపు చేసుకుని, ఆ తర్వాత ప్రముఖ వైణిక విద్వాంసులు, మహామహోపాధ్యాయ, ఈమని శంకరశాస్త్రిగారి వద్ద శిష్యరికం చేసి గురువు పేరు నిలిపాడు. ప్రముఖ వీణాకచేరీ విద్వాంసుడిగా చిట్టిబాబు సంగీతకళాజగతి లో సుస్థిరస్థానాన్ని పొందాడు. ఆయన 'కోయిలా గీతావిన్యాసం తప్పక చెప్పుకునే అంశం. ఆయన వీణా వాదన విన్యాస కళపై లఘుచిత్రం 'కళాకోయిలా అన్నది కూడ మరువలేని సాక్ష్యం. కొన్ని చిత్రాలకు చిట్టిబాబు సంగీత దర్శకత్వం కూడ వహించడం విశేషం. ప్రముఖ నిష్ణాత సభ్యుల సంఘం - శ్రీ త్యాగబ్రహ్మ మహోత్సవ సభ, తిరువాయూర్ లో సభ్యత్వం, శ్రీ కంచి కామకోటి పీఠం కు ఆస్థాన విద్వాంసకత్వం, చిట్టిబాబు ప్రతిభాసిగలో మరువాలు. చిట్టిబాబును ఆవరించిన అసంఖ్యాకమైన పురస్కారాల్లో, తిరుమల తిరుపతి దేవస్థానం కు ఆస్థాన విద్వాంసుడిగా, మన పొరుగు రాష్ట్రం తమిళనాడు ప్రభుత్వం (1981-87) కళాకారుడిగా, ఆంధ్ర విశ్వవిద్యాలయం వారి కళాప్రపూర్ణ (1984) సంగీత నాటక అకాడమీ పురస్కారం (1990) ను ప్రస్థావించకుండా చిట్టిబాబు కళావ్యక్తిత్వం అసంపూర్ణం అనే చెప్పాలి. చిట్టిబాబు సంగీత కళలోని ప్రతిభాపాటవాల్ని చూసి సహాధ్యాయ కళాకారులు మెచ్చుకున్న సంఘటనలు కోకొల్లలు. కాని చిట్టిబాబు ప్రతిభ చేయించిన అనేక ప్రయోగాలు, సంప్రదాయవాదులకు అసూయ కలిగించి అక్కడక్కడ విమర్శలు కురిపించినా, చిట్టిబాబు ప్రతిభ గురించి విమర్శించే ధైర్యసాహసాలు వీరి దరికి వచ్చేవి కావు.
'వీణా చిట్టిబాబు సంగీత ప్రతిభకు ఘన నివాళి అందించడం, కళకు ప్రణామాల సరిసమానం.
సంగీత కళాజగతి లో దక్షిణ భారత సంప్రదాయ శైలి లో కర్ణాటక సంగీతం, అందులో వాద్య సంగీత విభాగంలో అజరామరమైన వాద్య పరికరం ను ప్రస్తావించాలంటే, వీణ గురించే ముందు చెప్పాలి. వీణ కళాకారుల్లో, మన తెలుగు తేజాల్లో, ముఖ్యంగా 'చిట్టిబాబూ ఒక ప్రత్యేక అధ్యాయం. తూర్పుగోదావరి జిల్లా, కాకినాడ లో చల్లపల్లి రంగారావు, సుందరమ్మ దంపతులకు ఏకైక సంతానం అయిన ఈ కళాకారుడు, 'వీణ చిట్టిబాబూగా అమోఘమైన పేరుప్రఖ్యాతులను గడించాడు. అచట పుట్టిన చిగురు కొమ్మైన చేవ, అన్నట్లు చిట్టిబాబు చిన్నారి వయసులోనే కళాకారుడి లక్షణాలు పుణికి పుచ్చుకున్నాడు. పుష్కరప్రాయంలోనే విద్యలో రాణించి, వైణిక విన్యాసంలో పేరు తెచ్చుకోవడమే కాక, పూర్తిస్థాయి వీణ సంగీత కచేరీ చేసి సంగీత రసికులను తన్మయపరచాడు. తొలిపాఠాలను అప్పలాచార్య వద్ద ఆకళింపు చేసుకుని, ఆ తర్వాత ప్రముఖ వైణిక విద్వాంసులు, మహామహోపాధ్యాయ, ఈమని శంకరశాస్త్రిగారి వద్ద శిష్యరికం చేసి గురువు పేరు నిలిపాడు. ప్రముఖ వీణాకచేరీ విద్వాంసుడిగా చిట్టిబాబు సంగీతకళాజగతి లో సుస్థిరస్థానాన్ని పొందాడు. ఆయన 'కోయిలా గీతావిన్యాసం తప్పక చెప్పుకునే అంశం. ఆయన వీణా వాదన విన్యాస కళపై లఘుచిత్రం 'కళాకోయిలా అన్నది కూడ మరువలేని సాక్ష్యం. కొన్ని చిత్రాలకు చిట్టిబాబు సంగీత దర్శకత్వం కూడ వహించడం విశేషం. ప్రముఖ నిష్ణాత సభ్యుల సంఘం - శ్రీ త్యాగబ్రహ్మ మహోత్సవ సభ, తిరువాయూర్ లో సభ్యత్వం, శ్రీ కంచి కామకోటి పీఠం కు ఆస్థాన విద్వాంసకత్వం, చిట్టిబాబు ప్రతిభాసిగలో మరువాలు. చిట్టిబాబును ఆవరించిన అసంఖ్యాకమైన పురస్కారాల్లో, తిరుమల తిరుపతి దేవస్థానం కు ఆస్థాన విద్వాంసుడిగా, మన పొరుగు రాష్ట్రం తమిళనాడు ప్రభుత్వం (1981-87) కళాకారుడిగా, ఆంధ్ర విశ్వవిద్యాలయం వారి కళాప్రపూర్ణ (1984) సంగీత నాటక అకాడమీ పురస్కారం (1990) ను ప్రస్థావించకుండా చిట్టిబాబు కళావ్యక్తిత్వం అసంపూర్ణం అనే చెప్పాలి. చిట్టిబాబు సంగీత కళలోని ప్రతిభాపాటవాల్ని చూసి సహాధ్యాయ కళాకారులు మెచ్చుకున్న సంఘటనలు కోకొల్లలు. కాని చిట్టిబాబు ప్రతిభ చేయించిన అనేక ప్రయోగాలు, సంప్రదాయవాదులకు అసూయ కలిగించి అక్కడక్కడ విమర్శలు కురిపించినా, చిట్టిబాబు ప్రతిభ గురించి విమర్శించే ధైర్యసాహసాలు వీరి దరికి వచ్చేవి కావు.
'వీణా చిట్టిబాబు సంగీత ప్రతిభకు ఘన నివాళి అందించడం, కళకు ప్రణామాల సరిసమానం.
No comments:
Post a Comment