మహాసామ్రాజ్య నిర్మాత - 'లెనిణ్

తిరుగులేని యోధుడు

20వ శతాబ్దపు గణనీయమైన విప్లవవాది। ఆ నాటి ప్రపంచంలో తిరుగులేని అధికారాలను పొందిన ఘనరాజ్యాల్లో ఒక దానిని తయారుచేసిన ఘనత కూడ ఆయనదే. దేశంలోని రైతులను కార్మికవర్గాన్ని సంఘటితం చేసి ఒక ఉద్యమాన్ని నడిపిన వ్యక్తి కూడ ఈయనే. 1917 లో కమ్యూనిష్టు విప్లవాన్ని తీసుకొచ్చి 'త్సరిస్ట్'ల అధికారాన్ని అణచివేశాడు. మహానాయకులైన మార్క్స్, ఏంగిల్స్ భావాలకు ఒక రూపకల్పనను అందించినవాడు. ఆయన పేరు 'లెనిణ్. కొన్ని రక్షణ, భద్రతా కారణాల వల్ల కల్పించుకున్న మారుపేరు అదే అన్నది చాలా మందికి తెలియదు. ఏది ఏమైనా, తిరుగులేని కమ్యూనిష్టు నాయకుడి అసరు పేరు మాత్రం - 'వ్లడిమిర్ హైఛ్ ఉల్యనోవ్'. మార్క్స్, ఏంగిల్స్ రాజకీయ భావాలపై తీవ్రంగా ప్రభావ ప్రేరణకు గురై, వారి రచనలను క్షుణ్ణంగా ఆధ్యయనం చేసుకుని ఆకళింపు చేసుకున్న ఘననాయకమన్యుడు. త్సరిస్ట్ రాజకీయ యుగం లెనిన్ ను యిబ్బంది పెడుతూ అనేకసార్లు దేశబహిష్కరణకు గురయ్యాడు. కాని ఈ శిక్షలు ఏమాత్రం లెనిన్ సంకల్పాన్ని చెక్కుచెదరనీయలేదు. 'త్సఋ పరిపాలనను ధిక్కరణ చేస్తూ, ప్రజలను చైతన్యపరుస్తూనే వున్నాడు. రష్యా ప్రజలను విప్లవంలో భావస్వామ్యం, భాగస్వామ్యం చేశాడు. విప్లవాన్ని ఉధౄతం చేశాడు. 1898 లో లెనిన్ కొత్త రాజకీయ రంగాన్ని 'బోల్షెవిక్' పార్టీని స్థాపించాడు. కమ్యూనిష్టు విప్లవాన్ని రష్యాలో మరింత వేగంగా తీసుకొచ్చాడు. "చేయాల్సినది ఏమిటి?" అన్న సుదీర్ఘ రచనలో (1902) విప్లవసాధనకు కావలసినవి, చేయవలసినవి నిర్వచించాడు. 1905 లో శ్రీకారం చుట్టిన తొలి ప్రయత్నం ఎందుకో ఫలించలేదు. పుష్కరకాలంపాటు కౄషిని చేస్తూ, పట్టువిడవని విక్రమార్కుడు, 1917లో ప్రభుత్వంనుంచి అధికారం కైవసం చేసుకోగలిగాడు. 7 నవంబర్ 1917 లెనిన్ నాయకత్వంలో రష్యాలో సోవియట్ పరిపాలన ప్రవేశించింది. వ్యక్తిగత తరహా ఆస్థులను రద్దుచేయడం, కార్మికులకు పనివేళలు 8 గంటలు నిర్ధారించడం, పనివారి మాట చెల్లుబాటుతనం కర్మాగారాల్లో ప్రవేశపెట్టబడినది. యాజమాన్యానికి, కార్మికుల, కార్మికనాయకుల మాటలకు విలువనివ్వవలసి వచ్చింది.

సాహిత్యాభిమాని

సింబిరిస్క్ ప్రాంతంలోని వోల్గా లో 22 ఏప్రిల్ 1870 లో జన్మించిన లెనిన్ (వ్లడిమిర్), పుట్టుకతోనే పువ్వు పరిమళించిన మాదిరి, సాహిత్యం, చరిత్ర, భాషల్లో శ్రద్ధాభక్తులని ప్రదర్శించాడు। లెనిన్ 21 జనవరి 1924 లో మరణించాడు. రష్యా రాజకీయాలు, పరిపాలనావిధానాలు ఆమూలాగ్రం 1991 లో మారిపోయాక, నూతన నాయకులకు లెనిన్ భావాలను కాదన్నారు. కొత్త పరిపాలన, రాజకీయం ప్రవేశించాయి. కాని, చాలామంది ప్రజలు లెనిన్ భావాలను, ఆశయాలను నేటికీ విశ్వసిస్తూ, గౌరవించేవారు గణనీయం అనే చెప్పాలి. నేటికీ, ప్రపంచవ్యాప్తంగా సోషలిజం పథంలో కొనసాగుతున్న విప్లవధోరణికి కేవలం లెనినే కారకుడు అంటారు. ఆయన భౌతికకాయం యిప్పటికీ యాత్రికులకు, మాస్కో రెడ్ స్కేర్ ప్రదర్శనశాలలో చూడడం మరువలేని, మరువకూడని అంశం అవడం విశేషమే. ప్రపంచాన్ని సజీవంగా నిలుపుతున్నవి రాజకీయాలే అన్న నానుడి లెనిన్ లాంటి భావాచరణను చూసి అనుకున్నదే. రాజకీయ పరిభాషలో 'ముగింపూ అనేది వుండదు. అలాగే, లెనిన్ ఆర్ధిక, రాజకీయ సూత్రాలు ప్రపంచ సోషలిజం వ్యవస్థ వున్నంతవరకూ మరువలేనివి. రాజకీయవేత్త అనేవాడు చదివి ఆలోచించడం కన్నా ముందు మాట్లాడి, పనిచేయాలి - అని థామస్ బీబింగ్టన్ మెకాలే, అన్న వ్యక్తి చెప్పాడు. కాని లెనిన్ మాత్రం నిరాఘాటంగా చదివి, ఆకళింపు చేసుకుని, పెంచుకున్న ఆలోచనలతో పనిచేస్తూ మాట్లాడడం, అనుకున్నవి సాధించడం చేయగలగడం అతనికున్న శక్తిసామర్ధ్యాలు అగణితాలు. కేవలం అనుభవించదగిన స్ఫూర్తి మాత్రమే. ముందుగా ఆలోచించకుండా చేసే పని బహుశ రాజకీయాలే కావచ్చు అన్న రాబర్ట్ లూయీస్ స్టీవెన్సన్ అభిప్రాయం కూడ లెనిన్ తప్పు అని ౠజువు చేశాడు అని చాలామంది మేధావులు చెప్పడం కూడ విశేషమే.

కొసమెరుపు

లెనిన్ గురించి చెప్పడం మాటలతో చెప్పే భావాలు కావు. కాని, విన్ స్టన్ చర్చిన్ మాటలు మాత్రం - ప్రజలు నిన్ను పొగుడుతున్నారా, తిడుతున్నారా అన్నది ముఖ్యంకాదు; నీగురించి చర్చిస్తున్నారా, లేదా అన్నదే ముఖ్యం, అన్నాడు. అదే లెనిన్ విషయంలో, దేశబహిష్కరణలకు గురి చేసినా, రాజకీయనాయకులు, ప్రభుత్వాధినేతలు, లెనిన్ గురించి చర్చించుకోవడం మాత్రం మానలేదు. లెనిన్ వారి దినచర్యలో భాగంగా అయిందట.
అందుకే, సాహసవంతులు వున్నంతవరకే దేశం స్వతంత్రంగా వుంటుంది, అని అంటారు రాజకీయ విశ్లేషకులు। లెనిన్ నిజంగా సాహసవంతుడు. రాజకీయ చైతన్యస్ఫూర్తిదాత.

మహామనీషి 'లెనిణ్ వర్ధంతి రోజు (జనవరి 21) సందర్భంగా సమాజవాదపు నిర్మాతకు ఘననివాళిని సమర్పించాల్సిన తరుణం. ఆ ఘనుడికి జోహారులు. జేజేలు. ప్రపంచ కార్మికులారా ఏకం కండు! అన్న నినాదానికి లెనిన్ లాంటి వ్యక్తులు ఎప్పుడూ మనకళ్ళముందు, మన మనసుల్లోను, మసలుతూనేవుంటారు. నిత్యదర్శనీయం. లెనిన్ అమర్ రహే, జిందాబాద్.