ఎన్నికల్లో - ఎన్ని కలలో! ఎన్ని వలలో!
ఎన్నికల్లో - ఎన్ని కలలో! ఎన్ని వలలో! ప్రజాస్వామ్య యజ్ౙానికి ఫలితం కనబడుతున్నది గాజు బుగ్గ పగిలినట్లు రాజరికం విడుతున్నది అని మహాకవి దాషరధి - మధ్యప్రాచ్య మహాయజ్ౙం అన్న రచనలో అంటాడు. ప్రజాస్వామ్య విధానంలో ఎన్నుకోవడం, ఎన్నుకోబడడం అనివార్యం. మన యిష్టాయిష్టాలతో పనిలేదు. పౌరునిగా మన కనీస ధర్మం, మనకు ప్రసాదించబడిన ఒకే ఒక సదవకాషాన్ని వినియోగించుకోకపోతే, పౌరధర్మాన్ని అగౌరవపరచినట్లే. అవకాషాలు అందరికీ వస్తాయి అని చెప్పలేము కాని, అవకాషాలు వచ్చినప్పుడు సద్వినియోగపరచుకుంటే అదౄష్టవంతులం, లేకపోతే దౌర్భాగ్యులం అని మాత్రం ఖచ్చితంగానే చెప్పితీరాలి. సాధారణంగా అయిదేళ్ళకొకసారి చెప్పీచెప్పనట్లు వచ్చి తీరతాయి. ఎన్నికలు అంటే ఎన్నో కలలు, కలవరాలు, గాలాలు, చేపలు, వలలు, జయాపజయాలు, మోసం చేసి గెలుపులు యిలా ఎన్నో సంగతులు, సందర్భాలు మనకు దాపురిస్తాయి. యిది సహజ సర్వ సాధారణ పరిస్థితి అయి కూర్చుంది మన ప్రజాస్వామ్య వ్యవస్థలో. ప్రముఖ ఆధునిక కవి బాపురెడ్డిగారు - 'ఎన్నికలలో ఎన్నివలలో' అన్న ఖండికలో - ఎన్నికలలో, ఎన్ని కలలో? - ఒక్క చేపకై ఎన్ని వలలో, అని వాపోయారు. యిటువంటి ఎన్నికల సమయాల్లో, ప్రతీ పౌరుడు 'ఆత్మస్తుతీ చేసుకుంటే - జాషువా చెప్పినట్లు - కులమతంబు లెన్నికల కాలములలోనె, నడపదడప మాకు నవసరములు - అని ఆయన 'ఆత్మస్తుతీగా చెప్పడం జరిగింది. పురపాలక ఎన్నికలు ప్రస్తుతం పురపాలకులను ఎన్నుకునే ప్రక్రియలో మునిగిపోయాం. పర్యవసానం మాట ఎలావున్నా, ప్రముఖ హాస్య వ్యంగ్య రచయిత - భమిడిపాటి రాధాకౄష్ణ గారు మాత్రం - 'పాలకసంఘాల్లో ఎన్నికల మజా' అన్న రచన బహుష పురపాలక సంఘాల్లో అని మనం అన్వయం చేసుకోవడంలో ఏమాత్రమూ తప్పులేదు, తప్పటంలేదు అని అనుకోవాలి. ఈ రచనలో, ఆయన విసిరిన వ్యంగాస్త్రం తీరు తెన్నులు ఈ క్రింది విధంగా వుంది. 'ఇప్పుడు పరిపాలనతో సంబంధించిన ఎన్నికల పోటీల్లో నెగ్గడానికి ఎవరికేనా, సంగోరుధనం, సంగోరు నక్కజిత్తులూ ఉండాలి. సంగోరు - అంటే, పంటయందు సగము కోరు, అని అర్థం నిర్ద్వందంగా చెప్పాడు నిఘంటుకారుడు. అంటే, అనాదిగా, సగం సగం అన్నది చెలామణీ అవుతూనే వుందన్నమాట. ఎన్నికల్లో విజయం పొందిన వాళ్ళకి సాధారణంగా స్థితి పాడైపోతుంది; అపజయం పొందిన వాళ్ళకి స్థితితోపాటు మతికూడా పాడై పోతుంది అని భమిడిపాటి వారు వాపోతున్నారు. మతి ఎంత తీవ్రస్థాయిగా చెడిపోతున్నారంటే, ఎన్నికల్లో చేసిన వాగ్దానాలను మరచిపోవడం మాత్రమే కాదు, తిరిగి ఎన్నికల సమయం, సమరం వచ్చేవరకూ, తమ ప్రతినిథుల్ని, పురప్రజల్ని, నియోజకవర్గాన్ని దర్షించడం మాత్రం దేవుడెరుగు, సమస్యల్ని ఎలాగూ త్రోసిరాజన్నా, స్మరణం కూడ చేసుకోలేకపోతున్న దౌర్భాగ్య దుస్థితిలో ఈదులాడుతున్నారు, మన నాయకులు, వినాయకులు. ఎన్నికలలో నక్కజిత్తులూ, అన్యాయాలు, మోసాలు, రాక్షసనీతితోపాటు రాక్షస షౄంగారం కూడ చెలామణి అవుతుందని, - ఒక పార్టీ పురుషుణ్ణి రెండోపార్టీవారు లేవదీసుకుపోవడం - ఎలెక్షన్ నాటకంలో రాక్షస శౄంగారం అని రాధాకౄష్ణగారు ఎన్నికల రాద్ధాంతాన్ని వివరించారు. చిత్రాద్భుతాలు మన ఎన్నికలు మన చిలకమర్తి వారు, 'వోట్లకై తిరుగుటా అన్న రచనలో - ఎలక్షను చిత్రములు మిక్కిలి యద్భుతము. ఆనాడే ఆయన ఈ మాట అన్నారంటే, ఈ కలియుగంలో, దారుణాతిదారుణ పరిస్థితుల్లో, నేటి ఎన్నికల స్థితిగతుల్ని, దురవస్థల్ని, దుస్థితిల్ని వర్ణించడానికి ఏ షబ్దకోషంలోనూ సరిసమమైన పదం, అర్థం కూడ మనకు గోచరించే పరిస్థితే లేదు. ఎలెక్షన్ రోజున మనకు వోటువేసే వాడిని, వెయ్యనివాడిని కూడ కౌగలించుకొని లోపలికి తీసుకువెళ్ళవలెను అని చెబుతూ, ఆయన చమత్కారాలన్నీ జరిగితేనే కాని ఎలక్షను కాదులెండి అని తీర్మానించారు కూడా. యిలా ఎంతమందో మన తెలుగు సాహితీకారులు ఎన్నికల వివరాలను తమ వ్యంగ్యాస్త్రాలను విసిరారు. కేవలము, పరోపకార హౄదయములకే ఎలెక్షన్లు లో నిలుచుటకు నీడలేదు అని కాళ్ళకూరి వారు - లేడీ డాక్టరు అన్న రచనలో వివరిస్తారు. ఎన్నొ ఓట్లు ఒచ్చేయన్నదే లెక్కకాని ఎంత సారా ఖర్చయిందన్నది లెక్కకాదే! - అని ప్రముఖ రచయిత రావిషాస్త్రి - కుక్కపిల్ల అన్న రచనలో సారాకథనాన్ని సోదాహరణంగా చెప్పారు. ఏది ఏమైనా, ఎన్నికల ఫలితాలు ఎలా వచ్చినా - ఎన్ని కలలో కరగిపోవు ఎన్నికలలో - అన్న ముకురాల రామిరెడ్డిగారి మాట - నవ్వేకత్తులు అన్న రచనలో ప్రస్తావించినట్లు యదార్థం అని చెప్పాలి. నవ్వుతూ నవ్వుతూ, కుత్తుకల్ని తెలియకుండా కోయడం జరుగుతూనేవుంది. ఈ రాబోయే పురపాలక ఎన్నికలు కలల్ని కరగిస్తాయో, సమస్యల్ని మరిగిస్తాయో, కలల్ని కలలుగానే ఈ సారి కూడా మిగులుస్తాయో, వేచిచూద్దాం మరి! అన్యథా షరణం నాస్తి, త్వమేవ షరణం మమ! అని మననం చేసుకుంటూ ఎన్నికలరోజుకోసం నిరీక్షణ చేద్దాం. హెచ్చరిక : సీటు సంతసరుకైతే, ఓటుకు బూతు మరుగెందుకు? అని కాళోజీ అంటే, 'బ్రూటుకేసిన ఓటు బురదలో గిరవాటు, కడకు తెచ్చును చేటు; అన్న మహాకవి ఆరుద్ర భావాన్ని మదిలో స్మరించుకుంటూ - భాగ్యనగర మహాపాలకసంఘ ఎన్నికలలో తెలివిగా ఓటుహక్కుని వినియోగించుకుంటేనే మన ప్రజకు మనుగడ, ఉనికికి సార్థకత అన్నది మరువరాని, మరువలేని సత్యం. ఎన్నిక - ఎంపిక మనిషి ఒక్కడే తన ఇష్టానికి అనుకూలంగా జీవిస్తాడు. ఎన్నుకోవడం జీవితంలో భాగం. మన నేతలనైనా, జీవితాన్నైనా, మనకు నచ్చిన, అర్థవంతమైనట్లుగానే ఎంపిక/ఎన్నిక చేసుకోవాలి. భారతీయ ఆచారంలో, మొత్తం సౄష్టిలో మానవునికి మాత్రమే ఎంపిక చేసుకునే అధికారం వుంది. ఏదైనా నాణ్యమైన ఎంపిక చేసుకోవాలి. మహాకవి షేక్స్పియర్ అన్నట్లు కుళ్ళిన పండ్లలో ఎంపికకు అవకాషమేలేదు. సరిగ్గా, మన ప్రజాస్వామ్యం, ప్రజాప్రతినిథుల ఎన్నికల తీరు తెన్నులు అలా ఘోరంగా పరాజయం పాలవడం జరుగుతోంది. అల్లులో మల్లు కూడ దొరకని పరిస్థితి మన రాజకీయ విధానం అందరికీ తెలుసున్న విషయమే కదా!
కొంపెల్ల షర్మ - తెలుగురథం.
No comments:
Post a Comment